A A A
« Desember »
S M M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Atburir

22. mars2013 - Ingvar rn kason

Sustu deildarleikir 2.flokks

a er vntun  essum toppmnnum  blstri
a er vntun essum toppmnnum blstri
Þrír síðustu deildarleikir 2.flokks Harðar verða leiknir um helgina. Eyjamenn koma í heimsókn í Torfnesið okkar og leiknir verða þrír leikir. Spilamennska okkar drengja hefur farið batnandi í vetur og alltaf styttist í sigurinn. Nú ætla menn að snúa bökum saman og gera allt sem í þeirra valdi stendur til að klára tímabilið með miklum sóma, sama hvort sigur vinnist eður ei, leikmenn munu gefa allt sitt í leiki helgarinnar.

Eins og áður sagði þá verða þetta þrír leikir en þar sem það er þreföld umferð á Íslandsmóti 2.flokks og heilmikið ferðalag að fara bæði norður og til Eyja þá sammæltust liðin um að spila þrjá leiki á sama staðnum. Hörður fór í heimsókn til Akureyrar, norðanmenn heimsóttu Vestmannaeyjar og nú koma Eyjamenn hingað til okkar.

Þetta eru lokaleikir tímabilsins hjá 2.flokki og gott væri að fá góða stemmningu á pöllunum en oft skiptir það sköpum að heyra réttu hrópin, köllin og klöppin úr stúkunni frá sínu fólki.

Endilega mætum öll og styðjum við strákana í þessum lokaátökum vetrarins.

Leikjaplan helgarinnar í Torfnesi:

Laugardagur

Hörður-ÍBV kl. 14:30
Hörður-ÍBV kl. 16:15

Sunnudagur

Hörður-ÍBV kl. 11:30

Allir á völlinn, frítt inn að venju.

Áfram Hörður! 
18. mars2013 - Ingvar rn kason

4.flokkurinn tk vi langrum gullverlaunum eftir flottan 10 marka sigur gegn KR

Sigurvegararnir sttir me bikarinn  sturtu: Hjalti, Eggert, Jakob, Fririk, Ptur, Jens og Gsli. Hrein Rbert vantai  fgnuinn en hann var gat ekki leiki um helgina.
Sigurvegararnir sttir me bikarinn sturtu: Hjalti, Eggert, Jakob, Fririk, Ptur, Jens og Gsli. Hrein Rbert vantai fgnuinn en hann var gat ekki leiki um helgina.
« 1 af 2 »
Leikmenn 4.flokks komu gíraðir til leiks um helgina og ljóst að spenna var í loftinu. Þeir vissu að loksins fengju þeir verðlaunin sín að loknum leikjum helgarinnar. En fyrst þurfti að spila leikina, til þess er nú leikurinn gerður. Gullverðlaunin komu um hálsinn á liðsmönnum Harðar1 eftir flottan 10 marka sigur gegn sprækum KR-ingum. Liðið hikstaði aðeins um miðbik fyrri hálfleiks annars var allt í góðum gír og drengirnir spenntir að fá loksins að fagna titlinum sem vannst fyrir nokkru síðan.

Hörður2 16-45 Hörður1 (9-22)

Fyrsti leikur helgarinnar var innbyrðisleikur liða 1 og 2 úr 4.flokki en þeir leikir eru alltaf hálf súrrealískir. Við spilum þessa leiki stundum á æfingum til að finna réttu kemistríuna í liðunum þegar út í baráttuna er komið á parketinu í mótsleikjunum. Leikmenn liðs 2 áttu ekki sinn besta dag og gáfust fljótt upp gegn liði 1 og þetta varð aldrei neinn alvöru leikur, því miður fyrir bæði liðin því munurinn á liðunum er aldrei svona mikill á æfingunum. En sú sjóferðin fór bara á þennan hátt og liðin gátu þá byrjað að einbeita sér að verkefnum síðari hluta helgarinnar sem voru leikir gegn KR.

Markaskorarar Harðar2 í leiknum: Hilmar Adam 4, Arnór Gísli 3, Dagur 3, Julo Thor 3, Sigþór 2, Jón Ómar 1. Julo varði 5 skot og Aðalsteinn varði 4 skot.
Markaskorarar Harðar1 í leiknum: Hjalti Hermann 14, Gísli Jörgen 10, Eggert Karvel 8, Pétur 6, Jakob Jóhann 5, Friðrik Þórir 2. Jens varði 18 skot í markinu og fékk einungis á sig 16 mörk. Þetta er markvarsla uppá 53 prósentustig.

Hörður2 18-34 KR (7-14)

Leikur Harðar2 gegn KR var töluvert betri en leikurinn gegn Herði1 en undirritaður hefði viljað sjá enn meiri baráttu og enn meira líf í strákunum í þessum lokaleik tímabilsins hjá þeim. Stemmningin og baráttan sem sást í síðustu ferð fyrir sunnan var ekki til staðar að þessu sinni og því fór sem fór. Mikið púsluspil hefur verið að setja saman markvarðarstöðuna hjá Herði2 að undanförnu en við leystum það að þessu sinni með innkomu Ísaks Andra, markvarðar yngra árs 5.flokks. Ísak stóð sig vel í sinni frumraun með 4.flokki og hans fyrsti harpix-mótsleikur. Elías Ari var baráttuglaður allan tímann en hann deilir því með Jóni Ómari og Ísaki Andra að spila upp fyrir sig og hefur gert það vel í undanförnum leikjum, gaman að sjá hann peppa sína menn upp og hann hefur svo sannarlega gleðina að leiðarljósi í sinni nálgun á leikinn sem er frábært.

Markaskorarar Harðar2 í leiknum: Arnór Gísli 7, Elías Ari 4, Dagur 3, Julo Thor 2, Jón Ómar 2. Ísak Andri varði 7 skot í markinu. 

Hörður1 24-14 KR (11-6) 

Deildarmeistararnir byrjuðu leikinn af krafti og komust fljótlega í 6-1 stöðu með mikilli baráttu í vörn og skipulögðum sóknarleik þar sem kerfin flæddu vel og menn tóku skot á réttum augnablikum. Einbeitingarleysi gerði vart við sig um miðjan fyrri hálfleikinn og ætluðu menn að brjótast út úr leikskipulaginu. KR-ingar gerðu vel í að minnka muninn í 9-6 en heimamenn gáfu í undir restina og höfðu fimm marka forystu í hálfleiknum. Málin voru rædd í klefanum, allar hugsanir um bikar settar aðeins til hliðar og ákveðið að enda deildartímabilið með sæmd og klára leikinn af krafti. Sem og þeir gerðu og jákvæður 10 marka sigur staðreynd enda alltaf skemmtilegra að fagna titli með sigri í lokaleiknum.

Markaskorarar Harðar1 í leiknum: Hjalti Hermann 6, Gísli Jörgen 6, Friðrik Þórir 4, Jakob Jóhann 3, Pétur 3, Eggert Karvel 2. Jens varði 10 skot í markinu en það gerir 42% markvörslu.

Fögnuður piltanna var einlægur í leikslok og þá munaði ekkert um að fara í sturtu í keppnisbúningunum og að sjálfsögðu fékk bikarinn að fljóta með í þá för. Liðið hefur unnið vel fyrir deildarsigrinum og 12 sigurleikir í jafn mörgum leikjum segir ansi margt um kraftinn í piltunum. Markatalan er líka afar frambærileg en liðið hefur í þessum 12 leikjum skorað 375 mörk og fengið á sig 216 mörk. Þetta gerir 159 mörk í plús. Lykillinn að þessu hlýtur að vera framganga Jens Ingvars í markinu en hann hefur varið 220 skot í þessum 12 deildarleikjum en það gerir 18 bolta varða að meðaltali í leik og svo er þetta heildarmarkvarsla á tímabilinu upp á rúm 50% sem verður að teljast afar merkilegur árangur. Virkilega vel að verki staðið hjá pilti og á hann svo sannarlega framtíðina fyrir sér drengurinn.

Nú tekur við úrslitakeppnin hjá Herði1 þar sem 8 bestu lið landsins keppast um sjálfan Íslandsmeistaratitilinn en liðið mætir ÍBV í 8-liða úrslitum. Þar sem Eyjamenn eiga heimaleikjaréttinn þá mætum við þeim í Vestmannaeyjum helgina 12.-14.apríl næstkomandi. Sigri okkar menn þá býður okkar leikur helgina þar á eftir gegn öðru sterku liði í undanúrslitum. Úrslitaleikurinn verður svo leikinn helgina 26.-28.apríl. Það sem gerist ofan á þetta er mikill bónus en við ætlum okkur að gera eins og við getum til að komast alla leið þó að það verði vissulega erfitt verkefni. Ef manni getur dreymt það, þá getur manni tekist það!

Stolt og þakklæti er það sem kemur í huga undirritaðs þessa dagana en þessir guttar eiga allt hrós skilið fyrir sína framgöngu og frammistöðu í vetur. Liðin hafa bæði bætt sig mikið og karakterinn flottur í þessum púkum. Algjörir toppnáungar, allir sem einn!

Fylgist svo endilega með Facebook-síðu Harðar þar sem við setjum inn myndir frá síðustu helgi og fleira sniðugt. Eins má benda á flotta grein með flottum myndum á heimasíðu Bæjarins Besta um deildarmeistaratitil drengjanna.

Áfram Hörður! 
18. mars2013 - Ingvar rn kason

2.flokkur gaf allt sitt verkefni gegn HK

2.flokkur lék tvo hörkuleiki gegn besta liði 2.deildarinnar, HK, nú um nýliðna helgi. Það var ljóst fyrir leikina að verkefnið yrði erfitt en ef menn hafa trú á sér þá getur allt gerst. HK-ingarnir ætluðu að mæta hérna og kafsigla Harðverjana okkar frá fyrstu mínútu en það gekk ekki svo vel hjá gestunum, amk ekki í fyrstu.

Hörður 31-45 HK (19-24)

Fyrri leikurinn var á föstudagskvöldið og var hann hin fínasta skemmtun og mikil stemmning í leiknum. Okkar menn voru líflegir og mikið var skorað en staðan í hálfleik var 19-24, gestunum í vil. 43 mörk skoruð í fyrri hálfleik en það er ansi mikið á 30 mínútna kafla. Eftir mikinn barning í síðari hálfleik fóru skilin að sjást á milli liðanna þegar líða fór á lokasprettinn. Lokatölur eftir flottan handboltaleik 31-45, HK-ingum í hag. Engin skömm af því að tapa gegn frábæru liði og okkar drengir börðust og mörg flott tilþrif sáust.

Jóhann Gunnar var lang atkvæðamestur í leiknum og svo var sérstaklega gaman að sjá til Stefáns Diego sem sýndi gamla góða takta en búningur Þórólfs fór honum sérlega vel og er ljóst að keppi Stefán fleiri leiki á tímabilinu þá mun það vera í þessari nýju happatreyju hans nr. 20! Svo má ekki gleyma innkomu kylfingsins öfluga, Antons Helga, en hann nældi sér í tveggja mínútna brottvísun fyrir að grýta boltanum í parketið við að mótmæla dómi. Gísli Jörgen, leikmaður 4.flokks, hefur verið að fá dýrmætar mínútur og leikreynslu í síðustu leikjum 2.flokks og gaman var að fylgjast með frammistöðu hans í þessum leik.

Markaskorarar Harðar í leiknum: Jóhann Gunnar 13, Stefán Diego 7, Ólafur Njáll 4, Halldór Ingvi 3, B.Óli 2, Jóhann Jakob 1, Gísli Jörgen 1. Salmar varði 20 bolta í markinu sem gerir 31% markvörslu. 

Hörður 24-43 HK (11-22)

Þreyta sást aðeins á mönnum í síðari leiknum sem fram fór að hádegi laugardags. HK-ingarnir voru fljótari að slíta sig frá baráttuglöðum heimamönnum í þetta skiptið og ljóst í hvað stefndi nokkuð fljótlega. Hörður var 11 mörkum undir eftir 30 mínútur og 19 marka tap var svo staðreynd eftir 60 mínútna leik, lokatölur 24-43.

Eins og segir hér að ofan þá er engin skömm af því að tapa gegn frábæru liði HK sem með sigrunum tveimur hér fyrir vestan tryggðu sér deildarmeistaratitilinn og farmiðann í úrslitakeppni 2.flokks þetta árið. Leó og Garðar (lykilmenn í liði HK) spila með meistaraflokki félagsins í N1-deildinni og því vantar ekki reynsluna í þessa gutta sem skilar þeim frammistöðu og yfirvegun í spili í þessum hörkuleikjum 2.flokks.

Okkar menn gáfu allt sitt í þetta og hafa verið á jákvæðri siglingu undanfarið þrátt fyrir að úrslitin hafi ekki fallið okkur í hag. Synd að hafa ekki fengið að nota mann eins og Stefán í allan vetur og svo var Axel t.d. ekki með í þessum leikjum en liðið breytist mikið með hann innanborðs. Svo má ekki gleyma því heldur að glímujötuninn Sigurður Óli var veikur um helgina og gat því ekki spilað, skarð fyrir skildi þar. Jóhann Mar gat ekki gefið kost á sér í leikina um síðustu helgi en verður með í lokaleikjum tímabilsins.

Markaskorarar Harðar í leiknum: Jóhann Gunnar 9, Stefán Diego 7, Ólafur Njáll 3, Einar Bragi 1, B.Óli 2, Stefán Óli 1, Halldór Ingvi 1. Salmar varði 12 bolta í markinu sem gerir 22% markvörslu.

Síðustu leikir 2.flokks á tímabilinu eru um næstu helgi gegn ÍBV en þá fara fram þrír leikir á milli liðanna og allir leiknir í Torfnesi. Þeir fara fram kl. 19:00 á föstudag, 12:30 á laugardag og svo lokaleikurinn kl. 14:30 á sunnudag. Endilega mætið á völlinn og styðjið drengina í lokaátökum vetrarins!

Áfram Hörður! 
15. mars2013 - Ingvar rn kason

Handboltahelgin mikla

Salmar  essa fnu mynd
Salmar essa fnu mynd
Þessa helgina er nóg um að vera hjá okkur í handknattleiksdeild Harðar. Fimm leikir eru á dagskrá og fyrstu tveimur leikjunum lauk fyrr í dag.

Hörður1 og Hörður2 léku fyrst innbyrðisleik í 2.deild 4.flokks sem endaði 45-16, liði 1 í hag. 2.flokkur lék svo flottan leik, sérstaklega í fyrri hálfleik, gegn stórgóðu HK-liði úr Kópavoginum. Eftir frábærar 30 mínútur var staðan 19-24 í hálfleik en síðari hlutinn var ögn meiri einstefna þó að baráttan hafi verið til staðar allan tímann. Lokatölur 31-45 fyrir flottum Kópavogspiltum.

Næstu leikir um helgina:

Laugardagur 16.mars

Hörður-HK kl. 12:00 í 2.flokki
Hörður2-KR kl. 14:30 í 4.flokki

Sunnudagur 17.mars

Hörður1-KR kl. 12:00 í 4.flokki (verðlaunaafhending+kaffi og kökur í leikslok)

Allir á völlinn. Frítt inn í Torfnesið góða. Áfram Hörður! 
11. mars2013 - Ingvar rn kason

Harverjar deildarmeistarar 4.flokki!

Menn skemmtu sr vel  Kringlunni  mean bei var eftir a bi fri  gang
Menn skemmtu sr vel Kringlunni mean bei var eftir a bi fri gang
Ferð 2.flokks og 4.flokks um nýliðna helgi gekk vel hjá báðum flokkum. Úrslitin vissulega ekki með 2.flokki í liði en leikmenn liðsins stóðu sig þó nógu vel til að vera stoltir af framgöngu sinni. Þeir hafa ekki unnið leik í vetur en hafa verið í nokkrum jöfnum leikjum og leikirnir um helgina gátu báðir endað á réttum enda ef allt hefði gengið upp.

4.flokkurinn skartar tveimur skemmtilegum og flottum liðum þennan veturinn en lið 1 gerði sér lítið fyrir og tryggði um helgina deildarmeistaratitil sinn í 2.deild með flottum 12 marka sigri í Grafarvogi. Úrslit leiksins þýða jafnframt að liðið er búið að tryggja sér farmiða í úrslitakeppni 8 bestu liða landsins í þessum aldursflokki. Lið 2 spilaði ekki alveg nægilega vel í fyrri leik sínum en gerði virkilega vel með því að vinna tveggja marka baráttusigur í Keflavík. Frábær liðsandi í gangi þar.

2.flokkur

Víkingur 23-20 Hörður (8-10)

Fyrri leikurinn var gegn Víkingum úr Fossvogi Reykjavíkur. Okkar menn byrjuðu betur og voru með tögl og haldir á leiknum í hálfleik. síðari hlutinn varð ögn erfiðari. Leikar voru jafnir allt fram á lokasprettinn þar sem Víkingar sigu fram úr og náðu mest 8 marka forskoti. Harðverjarnir gáfust auðvitað ekki upp og gerði harða atlögu að sigri en allt kom fyrir ekki og þriggja marka tap staðreynd. Fyrsti leikurinn gegn Víkingum endaði með 9 marka tapi en heimaleikur liðsins gegn þeim endaði með tveggja marka tapi. Þessir síðustu tveir leikir hafa verið jafnir og smá synd að hvorugur þeirra hafi endað okkar megin en samt jákvætt að menn séu að nálgast liðin fyrir ofan okkur.

Þróttur 30-29 Hörður (18-11)

Þessi síðasti útileikur tímabilsins var engin undantekning frá öðrum leikjum liðsins í vetur hvað kaflaskiptan leik varðar. Liðið byrjaði á hælunum og var 7 mörkum undir í hálfleik. Þar ræddu menn saman og ákveðið var að gera hlutina almennilega og klára þennan leik með sóma. Mikill kraftur kom í okkar menn á dúk Laugardalshallar og var liðið komið í þá stöðu þegar örfáar sekúndur lifðu leiks að staðan var orðin 29-29 og við með boltann í höndunum. Leikmenn búnir að vinna upp 7 mörk og fengu tækifæri til að klára leikinn með sigurmarki. Salmar fleygir boltanum fram í átt að Ólafi Njáli sem er við það að grípa boltann (og væri þá kominn einn gegn markmanni í dauðafæri). Markmaður Þróttar les leikinn vel, grípur boltann og kemur honum á núll einni upp völlinn í hendur sóknarmanna sinna sem ná á ótrúlegan hátt að skora sigurmarkið. Leikmenn Harðar voru sárir og svekktir í leikslok. Þarna var tækifærið til að klára loksins einn góðan sigurleik.

Allir leikmenn liðsins eiga hrós skilið fyrir sitt framlag á vellinum um helgina og sérstaklega gaman að sjá gamla leikmenn styrkja hópinn. Ekki gamlir í árum talið, heldur fyrrum fastráðnir leikmenn liðsins sem nú eru búsettir á höfuðborgarsvæðinu. Baldur og Birkir voru góð viðbót við liðið og skiluðu sínu. Gísli Jörgen, leikmaður 4.flokks, lék sunnudagsleikinn gegn Þrótti og átti flotta innkomu, efnilegur leikmaður þar á ferð. Aðrir leikmenn sem léku þessa flottu leiki 2.flokks um helgina voru Salmar sem stóð vaktina í markinu, Óli Njáll, Sigurður Óli, Halldór Ingvi, Stefán Óli, Einar Bragi, Axel Sveins, Jóhann Gunnar og Jóhann Mar, en sá síðastnefndi sá um að draga vagninn á ögurstundum í sóknarleik liðsins.

Næstu leikir 2.flokks eru um næstu helgi gegn HK en leikirnir fara fram í Torfnesi á föstudag og laugardag.

4.flokkur

Fjölnir2 19-31 Hörður1 (7-15)

Harðverjar vissu það fyrir leik að sigur í þessum hörkuleik gegn næst efsta liðinu myndi færa þeim deildarmeistaratitil og sæti í úrslitakeppni á meðal 8 bestu liða landsins. Það kom aldrei neitt annað til greina en að sigra þennan leik og það sannfærandi. Sóknin gekk vel, vörnin var grimm og Jens átti enn einn stórleikinn í markinu enda einn allra besti markmaður landsins þessi mikli sómapiltur.

12 marka sigur Harðar1 í Grafarvoginum stóð aldrei tæpt þó að Fjölnismenn hafi átt góða 5 mínútna rispu um miðjan síðari hálfleik þar sem þeir skoruðu nokkur góð mörk í röð. Nú hefur Hörður1 spilað 10 leiki í deildinni af 12 og eru með fullt hús stiga. Liðið hefur skorað 306 mörk og fengið á sig 186 sem gerir nettó markamismun upp á 120 mörk en þeir hafa unnið vel fyrir þessum tölum piltarnir. 

Markaskorarar Harðar1 í leiknum: Gísli Jörgen 10, Eggert Karvel 8, Hjalti Hermann 5, Jakob Jóhann 3, Friðrik Þórir 3, Hreinn Róbert 2. Í markinu varði Jens 26 skot og fékk einungis 19 mörk á sig en það er tölfræði uppá 58% markvörslu og það fer næstum að vera erfitt að rita inn þessar tölur í hverja einustu frétt, svo fáránlegar eru þær á jákvæðan hátt! Liðið hefði aldrei náð þessum merkisáfanga án hans.

KR 25-17 Hörður2 (13-9)

KR-ingar tefla fram sprækum strákum, yngri í bland við eldri og þessi viðureign varð aldrei nægilega spennandi. Okkar menn lentu í því að elta allan tímann og því fór sem fór. Sökum þess að Jón Ómar, fyrrum markmaður liðsins, hefur ákveðið að leggja markmannsgallann á hilluna í bili þurftu aðrir að skipta með sér þessari virðulegu stöðu. Elías Ari tók að sér markmannshlutverkið í leiknum og gerði það vel. 

Vörnin var á köflum fín en ekki nægilega góðar skiptingar á milli manna. Julo og Arnór fóru fyrir liðinu sóknarlega.

Markaskorarar Harðar2 í leiknum: Julo Thor 6, Arnór Gísli 5, Dagur 2, Jón Ómar 2, Vilmar 1, Aðalsteinn 1. Elías Ari gerði vel í markinu og varði 13 skot sem er 34% markvarsla.

HKR 26-28 Hörður2 (16-15)

Þessi leikur var ekki fyrir hjartveika eins og einhver góður maður myndi orða hlutina. Spennan var í algleymingi frá fyrstu til síðustu sekúndu. Sóknarleikurinn var ekki mjög rútíneraður heldur spiluðu menn oftar en ekki á einstaklingsframtakið. Slíkt er ekki beint uppleggið hjá okkur fyrir leiki en þegar hitt klikkar þá er gott að eiga ása uppi í erminni og gott að menn þori að taka af skarið. Slíkt var svo sannarlega uppi á teningnum í þessari flottu viðureign. Liðið var einu marki undir í hálfleik og var að spila vel. Aðalsteinn lék í hlutverki markmanns fyrstu 25 mínúturnar og gerði það með miklum sóma. Pilturinn vann undir erfiðum kringumstæðum og ekki vanur rammanum en hann gerði vel og átti nokkrar mjög flottar vörslur, varði meðal annars eitt mikilvægt vítakast á krúsjal mómenti.

Hilmar Adam tók eftirsótta markmannshlutverkið að sér í síðari hálfleiknum og tilþrif hans voru svo sannarlega til fyrirmyndar og eftirbreytni. Hann var að skutla sér hingað og þangað og fórnaði líkama sínum til að koma í veg fyrir að andstæðingarnir næðu að skora. Þvílík frammistaða. Baráttuandinn og viljinn til að sigra skein úr hverju andliti þegar á reyndi og liðið hefur aldrei spilað jafn svakalega vörn og sást í Keflavíkinni þennan sunnudagsmorguninn. Þeir komu þjálfara sínum mikið á óvart með hátterni sínu sem er vissulega afar jákvætt. Það verður að hrósa liðinu fyrir baráttuna, liðsheildina og stemmninguna sem sást langar leiðir og það var ljóst að þeir ætluðu sér að vinna þennan leik og koma sér frá neðsta sætinu sem þeir og gerðu með stórkostlegum sigri gegn sterku og skemmtilegu liði HKR.

Maður leiksins var liðsheildin en frammistaða allra var frábær í alla staði. Sérstaklega gaman að sjá Aðalstein og Hilmar fórna sér í markinu og Elías Ari, sem er að spila með eldri piltum, stjórnaði vörninni eins og herforingi á línunni. Arnór og Dagur stýrðu sóknarleiknum og voru duglegir að þefa uppi færin.

Markaskorarar Harðar2 í leiknum: Dagur 10, Arnór Gísli 8, Hilmar Adam 4, Julo Thor 2, Jón Ómar 1, Vilmar 1, Aðalsteinn 1, Elías Ari 1. Hilmar og Aðalsteinn vörðu fullt í markinu og varsla Hilmars í lok leiksins var stórbrotin.  

Næstu leikir 4.flokks eru gegn KR um næstu helgi og svo spilast seinni innbyrðisleikur liðanna okkar á föstudag. Við hvetjum alla til að mæta í Torfnes um helgina en Hörður1 verður heiðrað með bikarafhendingu eftir síðasta deildarleikinn sem verður gegn KR á sunnudag.

Ferðin var frábær í alla staði og menn létu eitt sprungið dekk á leiðinni suður ekki spilla gleðinni. Bikarúrslitaleikurinn sem hópurinn fór á í Laugardalshöll var líka skemmtileg upplifun fyrir piltana.

Þvílík stemmning í þessari ferð og ljóst að það er mikill kraftur í hópnum öllum. Fararstjórar ferðarinnar, þau Gísli og Þórdís, stóðu sig eins og hetjur og gerðu allt sem þau gátu til að láta ferðina ganga smurt fyrir sig, enda varð það raunin og gaman að sameina 2.flokk og 4.flokk í þessari fínu ferð. Og já við óskum Sævari innilega til hamingju með bikartitil ÍR-inga.

Ein heild. Eitt lið. Hörður! 
9. mars2013 - Ingvar rn kason

2.flokkur og 4.flokkur leika fyrir sunnan um helgina

Sigurur li tlar a taka vel  v um helgina
Sigurur li tlar a taka vel v um helgina
2.flokkur og 4.flokkur Harðar héldu suður fyrr í dag og eftir mikil ævintýri og m.a. sprungið dekk á leiðinni, komst hópurinn heill á húfi á Hótel Hafnarfjörð þar sem leikmenn og fararstjórar gista.

2.flokkur leikur tvo leiki um helgina og 4.flokkurinn leikur þrjá leiki, lið 1 spilar einn leik og lið 2 spilar tvo leiki. Sigri Hörður 1 sinn leik hafa þeir tryggt sér deildarameistaratitilinn og þar með sæti í úrslitakeppninni á meðal átta bestu liða landsins. Í lok helgar er svo stefnt á að fara á bikarúrslitaleik karla í Laugardalshöll en þar mætast ÍR og Stjarnan. 

Leikjaplan helgarinnar: 

Laugardagur

Víkingur-Hörður kl. 12:00 í Víkinni (2.flokkur)
Fjölnir 2-Hörður 1 kl. 13:15 í Grafarvogi (4.flokkur)
KR-Hörður 2 kl. 16:00 í DHL-höllinni (4.flokkur)

Sunnudagur

Þróttur-Hörður kl. 09:00 í Laugardalshöll (2.flokkur)
HKR-Hörður 2 kl. 11:00 í Keflavík (4.flokkur)

Áfram Hörður! 
4. mars2013 - Ingvar rn kason

5.flokkurinn st sig vel um helgina

5.flokkur Harðar hélt í magnaða ferð um helgina suður til höfuðborgarsvæðisins. Gist var í Hafnarfirði og leikið í Kópavogi. Veðurspáin hafði sín áhrif á ferðina og þurfti hópurinn því miður að sleppa lokaleik mótsins sökum vonskuveðurs en flottir fararstjórarnir voru með allt á hreinu í þessum efnum og tekin var skynsamleg ákvörðun í samráði við þjálfara og aðra góða foreldra hópsins. 

Liðið lék því eins og fyrr segir aðeins þrjá leiki í stað fjögurra í þessari ferð en HK-ingar eru alltaf höfðingjar heim að sækja og einn úr þeirra röðum, Hákon vinur okkar Bridde, ætlar að bóka Digranes þeirra Kópavogsmanna fyrir sameiginlega spilæfingu í næstu ferð okkar suður. Strákarnir okkar munu njóta mjög góðs af því enda það eina sem liðin okkar í öllum flokkum vantar eru enn fleiri leikir.

Liðið gerði nokkuð vel inni á vellinum í þessari ferð og unnu m.a. góðan sigur gegn Fjölni en töpuðu leikjum gegn Haukum og ÍR. Að venju var margt skemmtilegt gert og fastir liðir voru á dagskrá en það skemmtilegasta að sögn leikmanna liðsins voru kræklingarnir og fleira sniðugt sem þeir fengu að smakka á Food and Fun í alþýðuhúsinu Hörpunni! Annar fararstjóranna, hann Simbi kafari/boxari/söngvari, er flestum hnútum kunnugur enda var hann með stórtónleika í Eldborgarsalnum fyrir rúmu ári síðan. Guðjóni, hinum fararstjóranum, leiddist ekkert að heyra hetjusögur Simba frá þeim góðu tónleikum. Þess má geta að allar sögur Simba hófust á: Hey!

Úrslit leikjanna voru sem hér segir:

Hörður 13 - 20 Haukar4
Hörður 15 - 14 Fjölnir3
Hörður  9 -  12 ÍR3

Heimferðin gekk vel í alla staði enda var ákveðið að leggja snemma af stað og var hópurinn kominn að Torfnesi rétt rúmlega fimmtánhundruð að staðartíma.

Ein heild. Eitt lið. Hörður!
24. febrar2013 - Ingvar rn kason

Myndir fr utanlandsfer 3.flokks Facebook-su Harar!

Upphafsflauti, spila  grasi!
Upphafsflauti, spila grasi!
Facebook-síða handknattleiksdeildar Harðar reynir að standa sig vel í að koma með fregnir af gengi okkar liða reglulega. Pistlahöfundur rakst rétt í þessu á gott myndasafn frá utanlandsferð 3.flokks Harðar frá síðasta sumri þegar hópurinn hélt til Danmerkur að keppa á því fornfræga og merka móti Dronninglund Cup.

Hópurinn tók sér margt fyrir hendur í þessari ferð og var þetta frábær reynsla fyrir leikmenn, þjálfara og fararstjóra. Þjálfarinn, undirritaður, var að fara í sína þriðju ferð á þetta stórkostlega mót á meðan hinir voru allir að fara í fyrsta sinn. Um leið vonast ég til að ferðirnar með Herði verði fleiri og helst vildi maður, í fullkomnum heimi, fara á hverju einasta sumri, svo mikil er skemmtunin og reynslan sem fæst úr svona ferð.

En ég mæli hiklaust með því að fólk kíki á Facebook-síðu handknattleiksdeildar Harðar.

Áfram Hörður! 
19. febrar2013 - Ingvar rn kason

Bi li 4.flokks geru ga hluti um helgina - Hrur 1 efst deildinni

Menn a fylgjast me Gunnari Nelson
Menn a fylgjast me Gunnari Nelson
4.flokkur Harðar hélt suður á bóginn um nýliðna helgi þar sem fjórir leikir voru á dagskrá Íslandsmótsins, tveir hjá Herði 1 og tveir hjá Herði 2. Hörður 1 vann báða sína leiki og liðið er því enn efst í deildinni með 9 sigra í jafnmörgum leikjum. Hörður 2 gerði jafntefli gegn HK 2 í frábærum leik en töpuðu stórt gegn Aftureldingu í erfiðum leik.

Hópurinn hélt suður á föstudaginn og þurftu menn að koma sér snemma í hótelbeddann þar sem framundan var snemmbúinn laugardagsleikur í Sláturhúsi Keflavíkur. Liðið býr yfir mikilli orku sem oft þarf að leysa úr læðingi og framkvæmdi því eitt stykki Harlem Shake myndband fyrir svefninn.

HKR 17 - 28 Hörður 1 (8-13)

Hörður 1 mætti í heimsókn til HKR og unnu sannfærandi 11 marka sigur 17-28 en staðan var 8-13 eftir 25 mínútna leik. Okkar menn voru staðráðnir í að klára verkefnið af festu og áræðni. Allir leikmenn liðsins áttu flottan leik og ekki hægt að kvarta yfir vinnuframlagi liðsins.

Jens varði 12 skot í markinu en það er 41% markvarsla. Hjalti stýrði sóknarleiknum af myndarskap og var markahæstur með 12 mörk en hann var einnig að búa til fyrir liðsfélaga sína.

Markaskorarar Harðar 1 í leiknum: Hjalti Hermann 12, Gísli Jörgen 5, Eggert Karvel 4, Pétur 3, Jakob Jóhann 2, Friðrik Þórir 1, Hreinn Róbert 1.

HK 2 18 - 18 Hörður 2 (9-8)

Hörður 2 kíkti í Digranes Kópavogs þar sem HK-ingar tóku höfðinglega á móti okkur enda vinaklúbbur okkar Harðverja og ávallt verið góð samskipti á milli klúbbanna. Í þetta sinnið sigraði bróðurlegur kærleikur þar sem leikar enduðu með jafntefli 18-18 en eins marks munur var í hálfleik. Bæði lið gátu unnið leikinn og Harðarpúkarnir fengu amk tvö góð tækifæri til að gera út um leikinn en allt kom fyrir ekki og sanngjarnt jafntefli varð niðurstaðan.

Jón Ómar varði 14 bolta í rammanum og þar sem við leikum okkur mikið með prósentutölurnar þá gerir þetta markvörslu upp á tæp 44%. Julo átti magnaða innkomu í sóknarleiknum og skoraði mörk í öllum regnbogans litum. Arnór var líka ansi kraftmikill en liðsheildin í vörn skapaði margar góðar sóknir og hröð upphlaup.

Markaskorarar Harðar 2 í leiknum: Arnór Gísli 8, Julo Thor 6, Dagur 2, Sigþór 2.

Í lok laugardags hélt hópurinn í bíó á Die Hard V og í kjölfarið borðaði liðið á flottu hlaðborði Pizza Hut í Smáralindinni. Gunnar Nelson, sérstakur vinur handknattleiksdeildar Harðar, var sýndur eftir matinn og liðið vildi auðvitað fylgjast með þeirri viðureign sem okkar maður vann eins og allir vita sem þetta lesa. Líkt og á föstudagskvöldinu þurftu liðsmenn að sofna snemma á laugardagskvöldinu þar sem liðið átti leik snemma í Vesturbænum á sunnudagsmorgninum.

KR 23 - 27 Hörður 1 (11-13)

B-salur KR-heimilisins var ferskur sem aldrei fyrr þegar við mættum í heimsókn til lærisveina Viggós Sigurðssonar. Rafmagnað andrúmsloft og mikil spenna myndaðist þegar leið á leikinn. Kappið hljóp stundum með okkar menn í vitleysu og menn fengu brottvísanir fyrir tuð, kjaft og heimskuleg brot. En liðið náði að berja sig nógu mikið saman til að klára leikinn á nokkuð sannfærandi hátt. KR-liðið er ungt og margir bráðefnilegir leikmenn 5.flokks að spila upp fyrir sig en við erum einmitt með einn slíkan í okkar liði, Hrein Róbert. Leikmenn hafa mjög gott af því að fá að spreyta sig með eldri leikmönnum, þannig verða þeir betri og fá betri leikskilning.

Lokatölur urðu 23-27 okkar liði í hag en liðið leiddi með tveimur mörkum í hálfleik. Jens átti enn einn stórleikinn þennan veturinn er hann varði 27 skot=54% markvarsla. Vá! Liðið lék í heildina ekki sinn besta leik og spennustigið spilaði eflaust einhverja rullu hvað það varðar en annars voru leikmenn frekar jafnir í vörn og sókn. Leikmenn héldu haus á lokamínútunum þegar spennan var orðin ansi mikil.

Markaskorarar Harðar 1 í leiknum: Hjalti Hermann 7, Eggert Karvel 7, Pétur 5, Friðrik Þórir 4, Gísli Jörgen 4.

Afturelding 34 - 13 Hörður 2 (4-16)

Lokaleikur helgarinnar var ekki rismikill af okkar hálfu. Leikmenn virtust aldrei hafa trú á verkefninu og heimamenn í Mosfellsbænum nýttu sér það veikleikamerki sem sást langar leiðir. Leikurinn var nánast búinn í hálfleik og síðari hálfleikur var nýttur í að prófa hluti og fékk Jakob þjálfarahlutverkið í hendurnar í 25 mínútur þar sem undirritaður tók á sig dómarahlutverk í síðari hálfleiknum.

Lokatölur 34-13 og sigur heimamanna síst of stór miðað við áhuga gestanna á að spila leikinn. Fyrri leikur liðanna í Torfnesi fyrir skömmu síðan fór 16-24 og þar var um hörkuleik að ræða. Sem sýnir vel hversu illa stemmdir liðsmennirnir voru fyrir þennan leik.

Markvarslan var ekkert sérstaklega mikil í leiknum en þrír leikmenn skiptu með sér rúmlega 10 vörðum boltum: Jón Ómar, Julo Thor og Aðalsteinn.

Markaskorarar Harðar 2 í leiknum: Dagur 4, Arnór Gísli 3, Julo Thor 2, Baldur 2, Sigþór 1, Vilmar 1.

Næstu leikir liðanna okkar í 4.flokki eru helgina 8.-10.mars í Reykjavík og svo verður keppnishelgi í Torfnesi 16.-17.mars. Síðari leikur Harðar 1 og Harðar 2 á einnig eftir að fara fram og verður þeim leik fundinn leiktími innan skamms.

Við setjum nú allt á fulla ferð fyrir lokaátökin.

Ein heild. Eitt lið. Hörður!
13. febrar2013 - Ingvar rn kason

4.flokkur keppir fyrir sunnan um helgina

a myndast alltaf g stemmning hj hpnum  Htel Hafnarfiri
a myndast alltaf g stemmning hj hpnum Htel Hafnarfiri
4.flokkur Harðar heldur í aðra keppnisferð sína en þessi ferð var á dagskrá fyrir nokkrum vikum en þá skall á óveður og því var ekki haldið suður. Nú er komið að þessu og bæði lið flokksins leika tvo leiki. Hörður 1 er efst í deildinni og hefur unnið alla leiki sína til þessa í vetur. Hörður 2 er í stöðugri bætingu og leikmenn liðsins eru staðráðnir í að njóta keppnishelgarinnar sem framundan er.

Hörður 1 leikur gegn HKR og KR. Hörður 2 leikur gegn HK2 og Aftureldingu. Liðið heldur suður á föstudag og stefnt er heim aftur á sunnudag.

Leikjaplan helgarinnar:

Laugardagur

HKR-Hörður 1 kl. 10:30 í Keflavík
HK 2-Hörður 2 kl. 14:45 í Digranesi

Sunnudagur

KR-Hörður 1 kl. 10:00 í DHL-höllinni
Afturelding-Hörður 2 kl. 12:30 að Varmá

Áfram Hörður!
Eldri frslur

Frttir

Vefir aildarflaga HSV

Vefumsjn