A A A
« Október »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Atburđir

24. nóvember 2013 - Ingvar Örn Ákason

4.flokkur lék ágćtan leik gegn ÍR

Markaskorarar Harđar í leiknum
Markaskorarar Harđar í leiknum
4.flokkur Harðar lék ágætan leik gegn ÍR-ingum í dag. Nokkuð var um vöntun á leikmönnum og þar á meðal lenti liðið í markmannsveseni þar sem aðalmarkvörður flokksins, Jens Ingvar Gíslason, er meiddur. Piltarnir dóu ekki ráðalausir og hringdu í vin sinn Julo Thor Rafnsson sem mætti með 5 mínútna fyrirvara og stóð í rammanum. Við kunnum honum bestu þakkir fyrir hjálpina.

Til að byrja með var mikið jafnræði með liðunum en að lokum sigu ÍR-ingarnir fram úr baráttuglöðum Harðverjum. Hálfleikstölur voru 13-19 og lokatölur 28-41. Dómarar leiksins, Sævar og Svenni, dæmdu af miklum myndarskap.

Liðið á enn þrjá leiki eftir fyrir jól. Næstu verkefni eru um komandi helgi þegar liðið leikur bikarleik gegn Fram á föstudegi og svo deildarleik gegn Aftureldingu á sunnudegi. Leikmenn liðsins bíða enn eftir fyrsta sigri vetrarins en eru þolinmóðir og ætla að leggja enn meira á sig á næstu misserum til að knýja fram langþráðan sigur í erfiðri deild þeirra bestu í 4.flokki eldri.
21. nóvember 2013 - Ingvar Örn Ákason

Bikarleikur mfl gegn Selfossi - 4.flokkur hitar upp

Alltaf stuđ hjá Harđverjum
Alltaf stuđ hjá Harđverjum
Meistaraflokkur Harðar í handbolta hefur beðið lengi eftir því að Selfyssingar komist alla leið vestur og úr varð að þeir komast á sunnudaginn. Gleði gleði gleði. Leikurinn hefst kl. 15:00 og verður öllu tjaldað í herbúðum heimamanna. Yngstu leikmenn liðsins 19 ára og þeir elstu í kringum 200 árin (bara í reynslu samt, ögn yngri í raunverulegum árum).

Við stefnum að því að njóta augnabliksins og hafa gaman af því að taka þátt í þessu bikarævintýri, sama hver niðurstaðan á vellinum svo verður. Í forrétt fá áhorfendur svo leik 4.flokks Harðar gegn ÍR í efstu deild Íslandsmótsins. Sá leikur hefst kl. 13:30 og vonandi fá bæði liðin okkar góðan stuðning á sunnudag. Frítt er inn þannig að ekkert er því til fyrirstöðu að mynda góða stemningu.

5.flokkur Harðar heldur í sína fyrstu keppnisferð á morgun, föstudag. Piltarnir leika fjóra leiki í Hafnarfirði um helgina og stefna að því að hafa mjög gaman í ferðinni, innan sem utan vallar.

Dagskrá Harpixhallarinnar í Torfnesi um helgina er eftirfarandi:

Sunnudagurinn 24.nóvember 2013

13:30 Hörður-ÍR í 4.flokki karla
15:00 Hörður-Selfoss í Coca Cola bikar karla

Allir á völlinn. Áfram Hörður!
12. nóvember 2013 - Ingvar Örn Ákason

Ćvintýraferđalag 2.flokks

Fjölnisleikurinn
Fjölnisleikurinn
« 1 af 2 »
2.flokkur félagsins hélt í góða keppnisferð um síðastliðna helgi. Liðið hélt suður á föstudegi og planið var að koma aftur heim í Skutulsfjörðinn á sunnudegi eftir leik gegn FH/ÍH. Veðrið setti strik í reikninginn og ákveðið var að dvelja einni nótt lengur til að halda ekki af stað vestur í einhverja vitleysu. Piltarnir héldu því ferskir heim á leið á mánudagsmorgni.

Fjölnisleikurinn á laugardeginum var erfiður og á köflum ansi þungur. Lokatölur voru 47-23 en staðan í hálfleik var 28-14. Leikmenn rifu sig upp eftir leikinn og virtist vera góður andi í hópnum. Leikmenn voru staðráðnir í að gera vel í næsta leik sem var gegn firnasterku liði FH/ÍH. Harðverjar héldu áfram uppteknum hætti í markaskorun en alltaf er mikið skorað í leikjunum hjá okkur. Markaskorun og að finna lausnir sóknarlega var í raun ekki vandamál í Kaplakrikanum á sunnudag þrátt fyrir að leikurinn hafi tapast 51-31.

Salli varði yfir 20 bolta í markinu en samt fengum við í annað skiptið í vetur yfir 50 mörk á okkur í einum og sama leiknum, sem vitanlega er allt allt allt of mikið en vörnin er engu að síður öll að koma til. Mörg mörkin komu eftir hröð upphlaup og minna um mörk hjá FH eftir uppstilltar sóknir. Fyrri hálfleikurinn var kominn í ógöngur eftir um 15 mínútna leik en þá tók við góður baráttukafli okkar manna þar sem munurinn fór niður í 4 mörk á tímabili en endaði í 7 marka mun, 26-19, þegar 30 mínútur voru liðnar og góðir dómarar leiksins flautuðu til hálfleiks. 

Allt liðið spilaði í heild betur en á laugardeginum og þetta var langbesti leikur liðsins á tímabilinu. Menn að læra færslur betur í vörninni og fleiri að taka af skarið í sókninni sem er mjög jákvætt. Eitthvað virðast skýrslugerðarmenn hafa á móti Sigurði okkar Óla en hann fær aldrei jafn mörg mörk skráð á sig og hann í raun skorar. Hann er með skráð á sig 5 mörk gegn FH/ÍH þegar hann skoraði amk 8 mörk og líklegast í kringum 10 mörk. 

Liðið gerði sér svo lítið fyrir og tók vikulegan æfingaleik gegn old boys liði Harðar í gærkvöldi þar sem liðið hrissti af sér helgarferðina með góðum 41-37 sigri en liðið hafði ekki unnið þá gömlu í háa herrans. Old boys liðið undirbýr sig nú af fullum krafti fyrir Coca Cola bikarleikinn gegn Selfossi næsta sunnudag og þessir leikir gegn 2.flokki eru að hluta til liður í þeim undirbúningi.

Meðfylgjandi eru myndir af skýrslum helgarinnar þar sem má sjá markaskor okkar manna.

Áfram Hörður!
5. nóvember 2013 - Ingvar Örn Ákason

Bikarleikur í mfl - fréttir af yngri flokkum

Atli er klár í slaginn
Atli er klár í slaginn
Meistaraflokkur Harðar, sem leikið hefur vikulegan æfingaleik gegn 2.flokki félagsins í vetur, dróst gegn Selfossi í Coca Cola bikar HSÍ nú á dögunum. Verið er að vinna í leiktíma í þessum rituðu orðum en langlíklegast er að leikurinn fari fram í Harpixhöllinni að Torfnesi sunnudaginn 17.nóvember eða mánudaginn 18.nóvember. Betur tilgreint síðar en tilhlökkun er mikil í leikmannahópnum: "Við erum að fara að rúlla þessu upp, ég læt mína gömlu liðsfélaga ekkert komast upp með neitt múður", lét Atli Freyr Rúnarsson hafa eftir sér við heimasíðuritara eftir leik gærkvöldsins þegar þeir eldri unnu 2.flokkinn í hörkuleik 32-34.

4.flokkur félagsins heldur suður í keppnisferð helgina 15.-17.nóvember næstkomandi en leikið verður gegn Þrótti í Laugardalshöll kl. 13:00 laugardaginn 16.nóvember og svo gegn Selfossi sunnudaginn 17.nóvember kl. 12:15. Flokkurinn fer saman á landsleik Íslands og Króatíu sem fram fer á Laugardalsvelli föstudagskvöldið 15.nóvember en það ætti að verða ólýsanleg upplifun fyrir drengina. 4.flokkurinn okkar leikur í deild þeirra bestu í vetur og því ljóst að allir leikir eru gífurlega erfiðir og liðsmenn Harðar þurfa að hafa vel fyrir hlutunum ætli þeir sér að komast í úrslitakeppnina annað árið í röð.

5.flokkur félagsins heldur svo suður á sitt fyrsta mót í vetur en það verður helgina 22.-24.nóvember. Þeir hafa æft vel yngstu piltarnir og verður fróðlegt og gaman að sjá þá spreyta sig á fyrsta mótinu. Við höldum svo risamót í þeirra aldursflokki helgina 2.-4.maí næstkomandi. Endalaust fjör.

Áfram Hörður!
5. nóvember 2013 - Ingvar Örn Ákason

Fréttir af 2.flokki

Markaskor okkar manna frá síđasta leik
Markaskor okkar manna frá síđasta leik
2.flokkur Harðar hefur nú leikið 2 heimaleiki á Íslandsmóti vetrarins. Fyrsti leikurinn gegn HK var gífurlega erfiður, amk síðari hálfleikurinn en eftir 30 mínútna leik var staðan 18-23. Lokatölur voru ekki í tengslum við raunveruleikann en 27-51 tap varð staðreyndin í þessum mikla markaleik. HK-liðið er öflugt en það sama má segja um mörg önnur lið í þessari deild og því ljóst að róðurinn verður ekkert auðveldari.

Næsti leikur var gegn Þrótti en hann fór fram um síðustu helgi. Mikil barátta var í upphafi leiks eins og oftast en hálfleikstölur voru 9-15, gestunum í hag. Eftir ögn minni baráttu í síðari hálfleik endaði þessi barátta með 16-28 tapi okkar manna.

Það sem hefur vantað uppá er að menn leggi sig enn harðar fram og leggi enn meira á sig sem lið og sem heild. Við höfum meira verið að spila sem einstaklingar en erum að reyna að uppræta það og fá alla til að taka á sig ábyrgð innan liðsins og lykilatriði er að allir beri virðingu fyrir liðsfélögunum og treysti þeim á æfingum og í leikjum. Vonandi nýtist sú andlega vinna í komandi verkefnum.

Næstu leikir 2.flokks fara fram fyrir sunnan um komandi helgi en liðið leikur gegn Fjölni kl. 16:00 laugardaginn 9.nóvember og svo gegn FH/ÍH kl. 14:30 sunnudaginn 10.nóvember í Kaplakrika (ath að hugsanlega verður leiknum flýtt að okkar beiðni).

Áfram Hörður!
1. nóvember 2013 - Ingvar Örn Ákason

2.flokkur Harđar keppir um helgina

2.flokkur félagsins leikur annan heimaleik sinn á Íslandsmótinu núna um helgina. Andstæðingarnir að þessu sinni eru piltarnir úr Vogahverfinu en Þróttarar mæta í Harpixhöllina á Torfnesi.

Leikurinn hefst kl. 15:00 á laugardag (2.nóvember) og við viljum endilega fá sem flesta á völlinn til að hvetja piltana áfram. Koma svo, allir á völlin og köllum saman: Áfram Hörður!

Ein heild. Eitt lið.
14. október 2013 - Ingvar Örn Ákason

Fyrsta keppnisferđ vetrarins afstađin

Hópmynd fyrir síđari leikinn. Efri röđ frá vinstri: Andri, Friđrik, Hreinn, Eggert, Hilmar, Sigţór, Gísli og Byssi ţjálfari. Neđri röđ frá vinstri: Jakob, Elías, Hjalti, Jens, Vilmar, Jón Ómar, Hákon.
Hópmynd fyrir síđari leikinn. Efri röđ frá vinstri: Andri, Friđrik, Hreinn, Eggert, Hilmar, Sigţór, Gísli og Byssi ţjálfari. Neđri röđ frá vinstri: Jakob, Elías, Hjalti, Jens, Vilmar, Jón Ómar, Hákon.

4.flokkur Harðar hélt í fyrstu keppnisferð sína af amk sex sem farnar verða í vetur. Liðið leikur í efstu deild þar sem 12 bestu lið landsins etja kappi. Það eitt og sér er flottur árangur liðsins en liðið vill meira og liðsmenn vilja bæta sig með hverjum leiknum.

Piltarnir byrjuðu á að mæta FH-ingum í Kaplakrika sem er að flestra mati eitt allra besta lið landsins. Okkar menn tóku það full nærri sér og mættu því ekki til leiks með fullan keppnishug og leyfðu heimamönnum að stjórna ferðinni frá a til ö. Til að gera langa sögu stutta þá endaði laugardagsleikurinn með 40-16 sigri FH-inga og staðan var 23-9 í hálfleik. Harðverjarnir sáu aldrei til sólar og virtist ekki mikill áhugi á að gera vel. 

Dagurinn og kvöldið í kjölfar tapsins gegn FH fór í sund, mat, bíó og fleira skemmtilegt til að dreifa huganum og gíra sig inn í sunnudagsverkefnið sem var gegn Fram í Safamýrinni. Sá leikur var allt annar að fylgjast með og allt annar hugur í drengjunum. Liðið þjappaði sér saman og þrátt fyrir að vera án markmanns þegar nokkrar mínútur voru til upphafsflauts (Jens markmaður hefur glímt við meiðsli og treysti sér ekki til að spila) voru allir staðráðnir í að standa sig. Hilmar tók það á sig að hoppa í markið og stóð mig með stakri prýði.

Varnarlega og sóknarlega bætti liðið sig heilmikið frá Hafnarfjarðarbíói laugardagsins. Um miðbik fyrri hálfleiks leit ekkert út fyrir að leikurinn yrði spennandi en þá voru Framarar 11-4 yfir. Harðarpúkarnir gáfust þó ekki upp og gáfu allt í verkefnið. Hálfleikstölur voru 12-10 og sá munur hélst lengst af í leiknum þar til á lokasprettinum en þá náðu Framarar að sigla fram úr okkar mönnum. Lokatölur 30-22 í flottum leik þar sem Vestfirsku snillingarnir sýndu sjálfum sér það að verkefni vetrarins séu langt því frá að vera óyfirstíganleg. Nú þurfa allir að bæta sig með hverjum leik og nýta æfingarnar vel til að hægt sé að stríða stóru liðunum enn frekar í komandi leikjum.

 

Næstu leikir 4.flokks fara fram helgarnar 26.-27. október og 2.-3.nóvember en liðið á heimaleik báðar þessar helgar í Torfnesi.

Markaskorarar Harðar gegn FH: Gísli Jörgen 5, Jón Ómar 3, Eggert Karvel fyrirliði 2, Hjalti Hermann 2, Sigþór Lyngmo 1, Vilmar Ben 1, Jakob Jóhann 1, Elías Ari 1. Jens stóð vaktina í rammanum og varði nokkra vel valda bolta.

Markaskorarar Harðar gegn Fram: Gísli Jörgen 10, Eggert Karvel fyrirliði 5, Jakob Jóhann 3, Hjalti Hermann 1, Friðrik Þórir 1, Jón Ómar 1, Andri Fannar 1. Hilmar var í rammanum og varði mjög vel, sérstaklega miðað við lítinn sem engan undirbúning.

Krummi stóð fararstjóravaktina í ferðinni og gerði það óaðfinnanlega í alla staði, þvílík snilld að hafa svona toppeintak með hópnum.

Ein heild. Eitt lið. Hörður!

24. september 2013 - Ingvar Örn Ákason

Aron Kristjánsson mćtir 2.október - stelpućfingarnar!

A-landsliðsþjálfari karla, Aron Kristjánsson, mætir eldhress í heimsókn til okkar miðvikudaginn 2.október næstkomandi. Markmiðið er að halda opna æfingu fyrir yngri kynslóðina (grunnskólaaldurinn) og svo hörkukeppnisæfingu fyrir 2.flokk og 4.flokk í kjölfarið.

Við munum vitanlega taka vel á móti þessari flottu HSÍ heimsókn en okkar iðkendur hafa alltaf jafn gaman af því að fá svona flottar heimsóknir. Síðastaliðið vor mættu vaskar landsliðsstúlkur í heimsókn og nú er röðin komin að Aroni. Við stefnum að því að fá stelpurnar aftur í heimsókn til að halda svampboltamót og fleira skemmtilegt.

Stúlknaæfingarnar okkar hafa farið ágætlega af stað en betur má ef duga skal. Við hvetjum stúlkur á svæðinu öllu sem eru í 5.-10.bekk eindregið til að mæta á þessar fínu æfingar.

Miðvikudagar kl. 16:25-17:20

Föstudagar kl. 13:30-14:30 (sem breytist líklega í 14:00-15:00 þar sem flestir eru að klára skólann um þetta leyti)
Sunnudagar kl. 12:00-13:00

Dagskrá Arons miðvikudaginn 2.október 2013 í Torfnesi:

16:30-17:45

Opin æfing fyrir 3.-10.bekk - engin handboltaþekking þörf á þessu stigi, bara mæta og hafa gaman

18:00-19:40
Æfing fyrir elstu keppnisflokkana okkar, 2.flokk og 4.flokk

Hvetjum alla til að nýta sér þessa reynslu eins af okkar allra færustu, virtustu og lærðustu þjálfurum og foreldrar að sjálfsögðu velkomnir að mæta og fylgjast með herlegheitunum.

Áfram Hörður - þar sem allir eru velkomnir!

6. september 2013 - Ingvar Örn Ákason

Ćfingatafla mćtt í hús - ćfingar hefjast skv. ćfingatöflu mánudaginn 9.september

Já nú fer allt að skella á. Æfingataflan er klár og tekur gildi frá og með mánudeginum 9.september næstkomandi.

Við hvetjum alla til að byrja að æfa (amk prófa) því það verður ótrúlega gaman hjá okkur í vetur og margt skemmtilegt framundan. Allir velkomnir, strákar og stelpur! Hér að neðan má sjá töfluna og hér inni á síðunni undir "Handboltadeild Harðar" má finna töfluna á pdf formi undir liðnum "Æfingatafla og mótaskrá pdf".

Æfingatafla handknattleiksdeildar Harðar 2013-2014

2.flokkur/mfl (iðkendur fæddir 1993-1995 ásamt eldri leikmönnum)
mánudagar 19:40-21:20
þriðjudagar 19:40-21:20
miðvikudagar 18:20-19:40
föstudagar 16:25-17:20
sunnudagar 15:00-16:00

4.flokkur (iðkendur fæddir 1998-2000)
mánudagar 16:25-17:20

miðvikudagar 18:20-19:40

föstudagar 15:30-16:25

sunnudagar 14:00-15:00

5.-6.flokkur (iðkendur fæddir 2001-2003)
miðvikudagar 17:20-18:20

föstudagar 14:30-15:30
sunnudagar 13:00-14:00

Stelpur fæddar 1998-2003

miðvikudagar 16:25-17:20
föstudagar 13:30-14:30
sunnudagar 12:00-13:00

Yfirþjálfari yngri flokka:
Ingvar Örn Ákason
GSM: 823-2865
ingvarak@isafjordur.is

Allar æfingar fara fram í Torfnesi.

Hvetjum alla til að mæta á æfingar og prófa, sérstaklega stelpurnar en nú í fyrsta sinn höldum við úti sérstökum æfingum fyrir stelpur í 5.-10.bekk. FRÍTT að mæta og prófa og sjá hvort handbolti hjá Herði sé það sem hentar viðkomandi. Æfingagjöldum verður haldið í lágmarki og við verðum með flottar heimsóknir frá HSÍ í vetur og fleira skemmtilegt.

Skráning iðkanda fer fram á vef HSV þar sem forráðamenn þurfa að skrá sig inn til að skrá sína iðkendur í viðkomandi flokka.

Ein heild. Eitt lið. Hörður!

1. september 2013 - Ingvar Örn Ákason

Ćfingataflan ókomin

98 hópurinn er klár í slaginn sem og ađrir
98 hópurinn er klár í slaginn sem og ađrir
Enn er verið að vinna í æfingatöflu í samráði við hin félögin, HSV sem og íþróttahúsið að Torfnesi. Vonandi skýrast þessi mál í vikunni svo við getum hafið æfingar sem allra fyrst.

Við látum vita þegar frekari fregnir berast en við væntum þess að allir séu bara spenntir að byrja að æfa af fullum krafti eftir ágætis sumarfrí.


Eldri fćrslur

Fréttir

Vefir ađildarfélaga HSV

Vefumsjón